Die in diesem Band gesammelten Glossen und „Verzehlscher" in Pfälzer Mundart wurden im Südwestfunk gesendet.
Über sich selbst schreibt Michael Bauer: "Ich wohn in Määnz. In de Landeshauptstadt. Imme Appartement imme Hochhaus.
Un in dem Appartement in de Nähe vum Fenschter steht moi Schreibtisch. Un uf dere weiße Schreibtischplatt steht e Topp mit Bleistifte un Filzstifte, weil ich immer so viel schreiwe muß. Un mit verschiedene Textmarker, weil ich immer so viel lese muß, daß ich Widder schreiwe kann.
Un newer denne ganze Sach e Stää. E roder Pälzer Sandstää vum Trifels. Mit Moos druf. E sanfter, wäächer Stää.
Immer e bißche roder Sandstäästab uf dere weiße Platt. Wann ich de Wind roiloß, de Reje, de Froscht, die Sunn un des ganze Wetter, dann entsteht vielleicht uf moim Schreibtisch mit de Zeit e weiti, wellichi Landschaft.
De Pälzer Wald. Wo ich herkumm."